Як паведаміў галоўны суддзя турніру Уладзімір Садыкаў, усе матчы былі напружанымі, рабяты да апошняй хвіліны змагаліся за перамогу. Зразумела, што ўзровень падрыхтоўкі каманд розны, але жаданне перамагчы было аднолькавым. Падтрымлівалі спартсменаў адна-класнікі, настаўнікі і сябры.

У выніку трохдзённых баталій перамогу святкавалі хакеісты з СШ №1, якім і ўручылі галоўны трафей — Кубак. Другое месца занялі юнакі з СШ №2, а трэцімі сталі вучні гімназіі №1.

Былі вызначаны і лепшыя ігракі. Самым актыўным нападаючым прызналі Дзяніса Шуха (СШ №1), а самым лепшым варатаром стаў Улад Дзядзюля (СШ №2). Ад арганізатараў турніру юнакі атрымалі грашовыя прэміі.

Мікалай САСНОЎСКІ. Фота аўтара.